Në Ujëmbledhësin e Bovillës janë zbatuar Ndërhyrje të bazuara në Natyrë (Nature-based Solutions – NbS) për kontrollin e erozionit, stabilizimin e terrenit dhe rehabilitimin e vegjetacionit në dy zona pilot në Njësinë Administrative Zall-Bastar, pjesë e Ujëmbledhësit të Bovillës, me risk të lartë nga rrëshqitjet e tokës.
Ky investim kontribuon në mbrojtjen e një prej burimeve më të rëndësishme të ujit të pijshëm për Tiranën, duke reduktuar erozionin, sedimentimin dhe riskun nga fatkeqësitë, ndërsa njëkohësisht forcon mbrojtjen e mjedisit dhe biodiversitetit.
Projekti, i udhëhequr nga Agjencia Kombëtare e Mbrojtjes Civile dhe i financuar nga JICA, është realizuar në bashkëpunim me institucionet partnere, duke krijuar një model të suksesshëm që mund të shtrihet edhe në zona të tjera të riskuara.
Natyra është aleati ynë më i mirë në ndërtimin e komuniteteve më të sigurta dhe më rezistente ndaj fatkeqësive.
