Në mbledhjen e Komisionit të Planifikimit të Mbrojtjes Civile të Qarkut Shkodër, të zhvilluar nën drejtimin e Prefektes së Qarkut Shkodër, znj. Holta Duda, morën pjesë Drejtori i Gatishmërisë dhe Koordinimit pranë AKMC-së, Kryetarët e bashkive Malësi e Madhe dhe Vau Dejës dhe Zëvendëskryetarët e bashkive Shkodër dhe Pukë, Kryetari i Këshillit të Qarkut Shkodër, Drejtori i Drejtorisë Vendore të Policisë Shkodër, si dhe përfaqësues të institucioneve qendrore dhe vendore me rol të rëndësishëm në sistemin e menaxhimit të emergjencave.
Qëllimi i mbledhjes ishte vlerësimi i situatës aktuale dhe koordinimi i masave për parandalimin dhe menaxhimin e situatave të mundshme emergjente gjatë sezonit veror 
. Diskutimet u përqendruan në forcimin e kapaciteteve vendore, rritjen e gatishmërisë së strukturave përgjegjëse dhe përmirësimin e mekanizmave të informimit dhe njoftimit të hershëm, për të siguruar ndërhyrje të shpejtë dhe të koordinuar.
Në përfundim të takimit, iu kërkua strukturave përgjegjëse:● Angazhim maksimal për përballimin e emergjencave gjatë sezonit veror;
● Përdorim efikas të kapaciteteve logjistike dhe burimeve njerëzore në dispozicion;
● Sigurim i komunikimit të shpejtë dhe të saktë ndërmjet bashkive dhe institucioneve për çdo situatë me potencial rreziku;
● Koordinim i vazhdueshëm me strukturat e Policisë së Shtetit për identifikimin, parandalimin dhe ndjekjen penale të autorëve të zjarrvënieve të qëllimshme.
