Ministri i Mbrojtjes, Pirro Vengu së bashku me ministrat Ervin Hoxha, Anila Denaj, drejtorin e AKMC, në prani edhe të prefektëve, përfaqësuesve të zjarrfikëses e instituioneve përkatëse, njoftuan vendimin e Qeverisë për të ofruar një paketë mbështetëse për familjet dhe komunitetet e prekura nga zjarret, me fokus në kompensimin e dëmeve të shkaktuara në bujqësi, banesa dhe nevoja të tjera emergjente.
Në funksion të përballimit të situatave të ngjashme gjatë muajit gusht dhe për të garantuar një reagim të shpejtë e të koordinuar, janë ndërmarrë një sërë masash konkrete.Ndërsa puna vijon për përballimin e situatave të tilla, me fokus në:
Forcimin e kapaciteteve të reagimit në kuadër të Emergjencave Civile Ngritjen e katër qendrave rajonale operacionale, të cilat do të mbulojnë zonat me rrezik të lartë në veri, jug, lindje dhe juglindje të vendit Këto qendra do të kenë kapacitete për ulje helikopterësh, furnizim logjistik dhe mbështetje për ndërhyrje në zonat malore dhe pyjore Investimin për rinovimin e flotës zjarrfikëse në mbarë vendin Zgjerimin e rrjetit të kamerave termike në pikat me rrezikshmëri të lartë, si në rastin e Llogorasë dhe Dukatit
Po punohet gjithashtu për strukturimin dhe shtrirjen kombëtare të rrjetit të vullnetarëve, që janë një hallkë kyçe në reagimin e parë lokal ndaj zjarreve dhe fatkeqësive natyrore.Ministria e Mbrojtjes dhe Agjencia Kombëtare e Mbrojtjes Civile mbeten të angazhuara në garantimin e sigurisë së jetës dhe pronës së qytetarëve, përmes planifikimit, investimeve dhe ndërhyrjes së koordinuar në çdo situatë emergjente.
