Këshilli i Ministrave ka miratuar projektligjin për ratifikimin e marrëveshjes së re midis Shqipërisë dhe Sllovenisë, e cila synon bashkëpunimin në mbrojtjen ndaj fatkeqësive natyrore dhe emergjencave civile. Kjo marrëveshje do të luajë një rol të rëndësishëm në rritjen e kapaciteteve të Forcave të Armatosura dhe Agjencisë Kombëtare të Mbrojtjes Civile për të përballuar situata të shkaktuara nga fatkeqësitë natyrore dhe emergjencat e tjera.

Marrëveshja parashikon:

• Ekipe shpëtimi dhe ekspertë individualë nga të dyja vendet.
• Pajisje mbrojtëse dhe ndihmë humanitare.
• Procedura të thjeshtuara për kalimin e kufirit për ekipet e shpëtimit dhe ndihmat emergjente, duke mundësuar reagim të shpejtë në rast katastrofash.
• Përdorim të avionëve dhe anijeve për transport emergjent të ekipit të shpëtimit dhe pajisjeve.

Në rast të një fatkeqësie, kjo marrëveshje do të lehtësojë mobilizimin e menjëhershëm të burimeve dhe ekspertizës nga të dy vendet, duke forcuar sigurinë dhe reagimin e përbashkët ndaj sfidave të natyrës.