Përfundon me sukses cikli i trajnimeve në Qarkun e Beratit!
Gjatë datave 05-07 Shkurt, përfaqësues nga Bashkia Berat, Bashkia Kuçovë, Bashkia Skrapar, Bashkia Poliçan dhe Bashkia Ura Vajgurore morën pjesë në një seri seancash intensive trajnimi mbi “Vlerësimin e Riskut” dhe “Planifikimin për Menaxhimin e Riskut nga Fatkeqësitë”.
Këto trajnime u organizuan me qëllim forcimin e kapaciteteve vendore në menaxhimin e fatkeqësive dhe përmirësimin e aftësive për reagim ndaj situatave emergjente.
📌 Programi i trajnimit përfshiu 10 module të detajuara, të përshtatura për rolet dhe përgjegjësitë specifike të pjesëmarrësve.
Modulet mbuluan tema kyçe si:
🔹 Metodologjia e Vlerësimit të Riskut
🔹 Planifikimi i Menaxhimit të Riskut
🔹 Planifikimi i Përgjigjes ndaj Emergjencave
🔹 Komunikimi në situatat e fatkeqësive
🔹 Legjislacioni për Menaxhimin e Fatkeqësive në kontekstin e ndryshimeve klimatike
🌍 Përveç trajnimit teorik, pjesëmarrësit analizuan rreziqet kryesore dhe sfidat me të cilat përballen komunitetet e tyre, duke trajtuar:
🔥 Zjarret në pyje
🌊 Riskun e Përmbytjeve
🦠 Fatkeqësitë e lidhura me Sëmundjet Infektive
🌍 Riskun Sizmik, Gjeoteknik dhe Rrëshqitjet
🏭 Riskun Teknologjik dhe Industrial
💡 Diskutimet interaktive dhe studimet e rasteve ndihmuan pjesëmarrësit të zhvillojnë plane veprimi konkrete për përmirësimin e përgatitjes dhe reagimit ndaj fatkeqësive në nivel vendor.
✅ Ky cikël trajnimesh përfaqëson një hap të rëndësishëm drejt forcimit të kapaciteteve vendore dhe ndërtimit të një qasjeje gjithëpërfshirëse për menaxhimin e emergjencave, duke garantuar sigurinë dhe mbrojtjen e komuniteteve.
