Vetëm sot janë evidentuar 10 vatra zjarri në vend, nga të cilat 6 janë shuar dhe 4 vijojnë aktive.
Vatra më problematike është ajo në Pishë-Poro, Vlorë, ku për shkak të terrenit ranor dhe erës së fortë, zjarri ka marrë përmasa të mëdha. Në terren po punojnë pa ndërprerje forcat zjarrfikëse, AdZM dhe strukturat vendore, ndërsa në mbështetje janë angazhuar 4 helikopterë; 2 të Forcës Ajrore shqiptare dhe 2 të Emirateve të Bashkuara Arabe, të cilët po kryejnë operacione nga ajri për neutralizimin e flakëve.
Zjarre aktive vijojnë edhe në Parkun Natyror Gërmenj (Kolonjë), në Pezë Helmës (Tiranë) dhe në Bogovë (Skrapar), ndërkohë që 6 vatra të tjera janë izoluar plotësisht.
Situata është nën monitorim të vazhdueshëm dhe çdo resurs po vihet në dispozicion për të mbrojtur komunitetin dhe pasurinë natyrore të vendit.