Dje në mesditë, në zonën e Ravenes të Malit të Gjerë, shpërtheu një zjarr që rrezikoi Manastirin e Fjetjes së Hyjlindëses dhe fshatrat e Dropullit të Poshtëm.

Falë reagimit të menjëhershëm dhe bashkëpunimit të të gjitha institucioneve, zjarri u vu shpejt nën kontroll dhe u shmangën dëmet më të mëdha.

Një falënderim i veçantë:

Shërbimit të Zjarrfikësve të Bashkisë Dropull për ndërhyrjen vendimtare.

Ministrit të Mbrojtjes, z. Piro Vengu, dhe Ministrisë për mbështetjen e çmuar.

Agjencisë Kombëtare të Mbrojtjes Civile, për helikopterin në hedhjet e ujit.

Ushtarëve që ishin pranë nesh në betejën me flakët.

Punonjësve të Bashkisë Dropull, që ndihmuan në mënyrë vendimtare në shuarjen e zjarrit.

Kjo përpjekje e përbashkët tregoi se kur jemi të bashkuar, mund të mbrojmë vendin tonë, jetën e bashkëqytetarëve tanë dhe monumentet tona të shenjta.