Në kuadër të stërvitjes komplekse FSX #FloodNorthAlb, e mbështetur nga BE #UCPM/DgEcho, nën koordinimin e Agjencisë Kombëtare të Mbrojtjes Civile në bashkëpunim me Prefekturën Shkodër dhe Bashkinë Shkodër, si dhe strukturat e tjera që janë pjesë e Sistemit të Mbrojtjes Civile në Shqipëri, si dhe partnerët qipriot, grek, italian, malazez, Universiteti Europian i Tiranës dhe CDDI, pjesë e Konsorciumit, me mbështetjen e Z. Christian Riech, ekspert i ushtrimeve komplekse FSX të UCPM, si një vlerë e shtuar dhe mbështetje që vjen nga programi OSA i DgEcho, në datën 4-5 prill u zhvillua vizita studimore me fokus në prezantimin e territorit për të përcaktuar dhe koordinuar bashkërisht skenarin e FSX dhe takimin me strukturat e Sistemit të MC Shqiptare që do të përfshihen në FSX.
Në bazë të këtij programi do të vijojnë disa module teorike dhe praktike në strukturat operacionale të nivelit lokal dhe më gjerë, pjesë përbërëse e të cilave do të jenë Bashkitë Shkodër, Malësi e Madhe, Vau i Dejës, strukturat e ushtrisë, Policisë, Mbrojtjes nga Zjarri dhe Shpëtimi, Forcat e të Ndërhyrjes Së Shpejtë, Shëndetësisë, vullnetarët etj.
