Elbasan – Në vazhdim të turit informues për Mbrojtjen Civile, ndalesa e radhës ishte në Qarkun e Elbasanit. Së bashku me Prefektin e Qarkut, z. Ali Mysliu, kryetarët e bashkive, dhe ekipet e emergjencave dhe financës, ku u diskutuan masat për të përballuar rreziqe si rrëshqitjet e tokës, ortekët dhe çarjet e digave. Drejtori i Përgjithshëm i AKMC, z. Haki Çako, vuri theksin te rëndësia e përgatitjes së projekteve konkrete që përmirësojnë infrastrukturën dhe rrisin sigurinë e qytetarëve, duke theksuar se veprimet e sotme janë investim për të parandaluar fatkeqësitë e së nesërmes.