Mision i Ekipeve Mjekësore të Emergjencës (EME) në Shqipëri

Javën e fundit, një mision i përkushtuar i EME vizitoi Shqipërinë me qëllim forcimin e kapaciteteve të vendit për përgjigjen mjekësore ndaj emergjencave. Misioni përfshinte ekspertë nga WHO EURO, Projekti IPA CARE dhe autoritete të OBSH-së dhe shëndetësisë vendore. Përgjatë ditëve të misionit, 9-10-11 tetor, ata zhvilluan një seri takimesh dhe aktivitetesh me institucionet kryesore dhe aktorët e interesuar për të rritur gatishmërinë e Shqipërisë për përkujdesin emergjent.

Në kuadër dhe të projektit rajonal IPACARE kryesuar nga MSB ku Agjencia Kombëtare e Mbrojtjes Civile është Koordinatori Kombëtar, gjatë misionit të OBSH u zhvillua edhe një takim në ambientet e AKMC për koordinimin e të gjitha institucioneve që duhet të jenë pjesë për krijimin EME.

Objektivat kryesore të misionit:

– Organizimi i një workshop-i për autoritetet shëndetësore dhe aktorët vendorë mbi krijimin e EMT-ve, rolin dhe procesin e certifikimit.

– Vlerësimi i kapaciteteve të pajisjeve dhe burimeve njerëzore të nevojshme për EME.

– Dhënia e rekomandimeve për përmirësimin e kapaciteteve financiare, logjistike dhe të burimeve njerëzore për bashkëpunimin ndërsektorial.

– Bashkimi i aktorëve publikë dhe OJF-ve në kujdesin emergjent për të marrë pjesë së bashku në programin EME.

– Paraqitja e gjetjeve të misionit në një debriefing me Ministrinë e Shëndetësisë dhe Zyrën e OBSH-së në Shqipëri.

Takime dhe pika kryesore të workshop-it:

9-11 Tetor 2024

Vizita në Ministrinë e Shëndetësisë, Qendra Kombëtare e Urgjencës Mjekësore, Kryqi i Kuq Shqiptar, Spitali i Traumës e të tjerë.

Pjesëmarrësit u angazhuan në diskutime dhe përpjekje bashkëpunuese për të përmirësuar gatishmërinë e Shqipërisë për situatat emergjente mjekësore, duke punuar së bashku për të krijuar një sistem shëndetësor më të fortë dhe më të qëndrueshëm.

Disa nga gjetjet e misionit përfshinin:

• Vendimi për krijimin e një EME kombëtare mbetet një vendim-marrje e MShMS.
• Të gjithë aktorët e kontaktuar mbështesin qasjen ndërsektoriale për forcimin e kapaciteteve të vendit ndaj emergjencave.
• Të gjithë partnerët e takuar, si dhe pjesëmarrësit në uorkshop, mbështesin idenë e krijimit të një EME në Shqipëri dhe janë të gatshëm të kontribuojnë sipas kompetencave të tyre.
• Të gjitha palët vlerësojne rolin që ka EME në mbështetjen e vendeve të tjera në kushtet e emergjencave.
•